ცხელი ხაზი : +995(350)273106

ფშაველი

 

ფშავლის ადმინისტრაციული ერთეული
ფშაველი - სოფელი თელავის მუნიციპალიტეტში. მდებარეობს ზღვის დონიდან 460 მეტრზე, თელავიდან 35 კილომეტრზე, მდინარე სტორის ნაპირზე. ფშაველი და ლეჩური წარმოადგენს ერთ ადმინისტრაცილ ერთეულს, მოსახლეობის საერთო რაოდენობა 2243 მცხოვრებია. ერთ-ერთი ვერსიით ფშაველს სახელი ეწოდა იმის გამო, რომ ფშავლებს ამ ტერიტორიაზე ჰქონდათ სახატე ზვრები, რაც უტყუარი ჭეშმარიტებაა. ამჟამად ჯერ კიდევ არიან სოფელში მცხოვრები მოხუცი ადამიანები, ვისაც კარგად ახსოვთ ფშაველების ნავენახარი ადგილები, მათ ვენახები ჰქონდათ დღევანდელი ადმინისტრაციული შენობის, ამბულატორიისა და კულტურის სახლის მიმდებარე ტერიტორიაზე. ისტორიულ წყაროებში პირველად იხსენიება XVIII საუკუნეში. სახელწოდება მიიღო ფშაველი მოახალშენეებისგან. სოფლის ტერიტორიაზე შემორჩენილ ეკლესიათა ნანგრევები ადასტურებენ, რომ ფშაველი გაცილებით უფრო ძველი სოფელია. ხუროთმოძღვრული ძეგლებიდან არსანიშნავია XVIII საუკუნის ციხესიმაგრე. სოფლის მახლობლად დგას ადრინდელი შუა საუკუნეების ხუროთმოძღვრული კომპლექსი - "კოხტა ღვთისმშობელი", რომელშიც შედის გალავანი, ღვთიმშობლის ეკლესია, შედარებით მცირე მეორე ეკლესია, სასახლე და სამეურნეო დანიშნულების სხვა ნაგებობები. სოფელი მდიდარია ისტორიული ძეგელებით: წყაროსთავის წმინდა გიორგის ეკლესია, კოხტა ღვთისმშობლის კომპლექსი, წმინდა ევსტატეს ეკლესია, ტალის ციხე, იოანე მახარობლის ეკლესია, ზვარელის წმინდა გიორგის ეკლესია.

 

წარმომადგენელი ადმინისტრაციულ ერთეულში

ვალერი აბრამიშვილი
 

მობ: 551-59-98-25

E-mail: fshaveli.telavi@gmail.com

 

სპეციალისტი

 
  • თამარ ხმიადაშვილი - მობ: 571-51-62-63


გადიდებული რუკის ნახვა

 

გააზიარე