თელავის თეატრში საზეიმოდ გაიხსნა ბელა ხოტენაშვილის და ლელა ჯავახიშვილის სახელობის საერთაშორისო საჭადრაკო ტურნირი, რომელიც 24-26 სექტემბერს წინანდლის ალექსანდრე ჭავჭავაძის სახლ-მუზეუმის ტერიტორიაზე ჩატარდება. საქართველოს ოლიმპიური ნაკრების წევრებთან ერთად, მასში მონაწილეობას მიიღებენ საფრანგეთის, ესპანეთისა და გერმანიის წამყვანი დიდოსტატები.

ტურნირის ოფიციალურად გახსნის ცერემონიაზე თელავის თეატრში 1988 წელს ჩატარებული მსოფლიო ჩემპიონატის ფინალური მატჩის აღსანიშნავი მემორიალური დაფა გაიხსნა.

ღონისძიებას თელავის მუნიციპალიტეტის მერი - შოთა ნარეკლიშვილი, საკრებულოს თავმჯდომარე - არჩილ თხლაშიძე, კახეთის სახელმწიფო რწმუნებულის მოადგილე - ირაკლი შიოშვილი და ადგილობრივი ხელისუფლების სხვა წარმომადგენლები ესწრებოდნენ.