თელავის მუნიციპალიტეტის მერი შოთა ნარეკლიშვილი მოადგილეებთან დავით ბეგიაშვილთან და ფიქრია ყუშიტაშვილთან ერთად გუგლის სერტიფიცირებულ მწვრთნელს და ციფრული მარკეტინგის ექსპერტს ნათია ჯინჯოლავას შეხვდა. 
შეხვედრაზე მხარეებმა  გუგლის ექსპერტების ვიზიტის დეტალებზე იმსჯელეს, რომლის ფარგლებშიც თელავის გაციფრულება იგეგმება. 

კერძოდ, ქართველი და უცხოელი ექსპერტების ჯგუფი გუგლის რუკებზე თელავის მნიშვნელოვან ტურისტულ და ინფრასტრუქტურულ ობიექტებს დაიტანს. პროექტის ფარგლებში, გუგლის რუკებზე აიტვირთება რამდენიმე ათეული კილომეტრის სიგრძის ქუჩის ხედი,  აეროპანორამები, 360 გრადუსიანი პანორამები. 

პროექტს DMO Visit Kakheti თელავის მუნიციპალიტეტის მერიის ინიციატივით ახორციელებს.