თელავის მუნიციპალიტეტის საკრებულოს ეკონომიკისა და ქონების მართვის საკითხთა კომისიამ სხდომა ჩაატარა. კომისიის წევრებმა განხილეს მერიის მიერ ინიცირებული პროექტი, რომელიც გულისხმობს თელავის მუნიციპალიტეტის საკუთრებაში არსებული არასასოფლო-სამეურნეო  დანიშნულების მიწის ნაკვეთისა და მასზე განთავსებული შენობა-ნაგებობის უძრავი ქონების საპრივატიზაციო ნუსხაში შეტანასა და პრივატიზების გეგმის დამტკიცებას.

სხდომაზე ასევე იმსჯელეს საკრებულოს 2018 წლის 28 ივნისის 34-და 41-ე განკარგულებებში ცვლილებების პროექტზე, რომელიც სოფლებში ვარდისუბსა და კონდოლში მდებარე სასოფლო-სამეურნეო მიწის ნაკვეთების საპრივატიზაციო ნუსხიდან ამოღებას გულისხმობს. 

ეკონომიკისა და ქონების მართვის საკითხთა კომისიამ განკარგულებების პროექტებს მხარი დაუჭირა.