ინტელექტუალურ თამაშში "რა? სად? როდის" თელავის საჯარო სკოლის მოსწავლეთა შორის გამართული ტურნირის "მერის თასის" გამარჯვებულები გამოვლინდნენ.

საპრიზო ადგილებზე გასულ გუნდებს თელავის მუნიციპალიტეტის მერიამ მაღაზიათა ქსელ "ბიბლუსის" ვაუჩერები გადასცა:

I ადგილის მფლობელი თელავის მეორე საჯარო სკოლის გუნდი "LSD" გახდა, რომელიც 500-ლარიანი ვაუჩერით დასაჩუქრდა.

II ადგილი დამოუკიდებელმა გუნდმა "ადამიანები+" დაიკავა და საჩუქრად 400 ლარის ოდენობის ვაუჩერი მიიღო.

III ადგილზე მეცხრე საჯრო სკოლის გუნდი "აგორა" გავიდა. გუნდს "ბიბლუსის" 300-ლარიანი ვაუჩერი გადაეცა.

საუკეთესო მოაზროვნედ თელავის მეორე საჯარო სკოლის მოსწავლე ჟანა ორკოდაშვილი დასახელდა, რომელსაც საჩუქრად "ბიბლუსის" 100 ლარიანი ვაუჩერი გადაეცა.