თელავის მუნიციპალიტეტის საკრებულოს ბიურომ წარმომადგენლობითი ორგანოს მორიგი სხდომის დღის წესრიგი დაამტკიცა. საკრებულოს წევრები თელავის მუნიციპალიტეტის 2020 წლის ბიუჯეტის პროექტის დამტკიცებაზე იმსჯელებენ. წარმომადგენლობითი ორგანოს მორიგ სხდომაზე დღის წესრიგით გათვალისწინებულ სხვა 9 საკითხსაც განიხილავენ.

დღის წესრიგის დამტკიცების შემდეგ ბიუროს წევრებს მერიის საფინანსო-საბიუჯეტო სამსახურის უფროსმა ნათია ვაყელიშვილმა თელავის მუნიციპალიტეტის 2019 წლის ბიუჯეტის შესრულების 9 თვის ანგარიში წარუდგინა.

საკრებულოს მორიგი სხდომა 27 დეკემბერს, 11 საათზე ჩაინიშნა.