სოფლის მხარდაჭერის პროგრამის ფარგლებში დასაფინანსებელი პროექტების შერჩევის მიზნით, თელავის მუნიციპალიტეტის მერი შოთა ნარეკლიშვილი, მერის პირველი მოადგილე დავით ბეგიაშვილი და ადგილობრივი ხელისუფლების სხვა წარმომადგენლები სოფლების - ნაფარეულის, სანიორის, ჯუღაანის და ლაფანყურის მოსახლეობას შეხვდნენ.

მოსახლეობის გადაწყვეტილებით, პროგრამის ფარგლებში განსახორციელებელ პროექტებად დასახელდა:

♦ ნაფარეული -სოფელში არსებული სკვერის კეთილმოწყობა, შიდა გზებზე ახალი გარე განათების ქსელის მოწყობა.

♦ სანიორე - სოფელში არსებული საბავშვო ბაღის შენობის სახურავის რეაბილიტაცია, შიდა გზებზე ახალი გარე განათების ქსელის მოწყობა.

♦ ჯუღაანი - ყოფილი სკოლის შენობის სახურავის და მეორე სართულის რეაბილიტაცია.

♦ ლაფანყური - სოფელში შიდა საუბნო გზებზე ახალი გარე განათების ქსელის მოწყობა, სანიაღვრე არხების მოწესრიგება.