თელავის ბავშვთა ჯანმრთელობის ცენტრში საერთაშორისო ფონდ „მედიქორ ფაუნდეიშენის“ წარმომადგენლებთან შეხვედრა გაიმართა.

შპს „ბავშვთა ჯანმრთელობის ცენტრს“ საერთაშორისო ფონდმა საჩუქრად მაღალტექნოლოგიური დიაგნოსტიკური და სამკურნალო აპარატურა გადასცა: 
► მაღალფუნქციური ექოსკოპიის აპარატი, ექოკარდიოგრაფიული პროგრამით;
►სისხლის ანალიზატორები;
►მრავალარხიანი კარდიოგრაფი;
► მონიტორები პაციენტის კვლევებისათვის;
► უახლესი ხელოვნური სუნთქვის აპარატები;
► ჟანგბადის კონცენტრატორები;
► ქირურგიული და სარეანიმაციო სხვადასხვა აპარატურა (ელ.დანა, ელ.ამომქაჩები).

ასევე, ფონდის მიერ დაფინანსდა სამედიცინო პერსონალის სპეციალური ტრენინგ-პროგრამა.

შეხვედრაზე განხილულ იქნა ბავშვთა სტაციონარის განვითარების, სერვისების გაფართოვების და საინვესტიციო ფონდთან შემდგომი თანამშრომლობის საკითხები.

 შეხვედრას ესწრებოდნენ: თელავის მუნიციპალიტეტის მერიის ჯანმრთელობის დაცვისა და სოციალურ საკითხთა სამსახურის უფროსი - გიორგი ენუქიძე, ბავშთა ჯანმრთელობის ცენტრის ხელმძღვანელი - თამილა თეიმურაზიშვილი, ფონდი „მედიქორის“ სამედიცინო პროექტების მენეჯერი - რიკუს ჯაკომეტი და არასამთავრობო ორგანიზაცია „თემი და გარემო“-ს წარმომადგენლები.

თელავის მუნიციპალიტეტის მერია მადლობას უხდის ფონდ „მედიქორ ფაუნდეიშენს“ და არასამთავრობო ორგანიზაცია „თემი და გარემო“-ს გაწეული დახმარებისთვის.

ალბომი