თელავის მთავარ ბიბლიოთეკაში თელაველი მწერლის, სცენარისტისა და მუსიკოსის, ზაირა არსენიშვილის ანოტირებული ბიბლიოგრაფიული საძიებელი წიგნის პრეზენტაცია გაიმართა, რომელიც თელავის მუნიციპალიტეტის მერის, ლევან ანდრიაშვილის მხარდაჭერით გამოიცა.

ღონისძიებაზე, შეკრებილ საზოგადოებას შორის ზაირა არსენიშვილის ოჯახის წევრები და მეგობრებიც იყვნენ, რომლებმაც გამორჩეული თელაველი ხელოვანი ქალბატონის შესახებ მრავალი ისტორია გაუზიარეს მსმენელს.

ზაირა არსენიშვილის შესახებ გამოცემული წიგნის გაცნობა მკითხველს მუნიციპალიტეტის ყველა ბიბლიოთეკაში შეეძლება.