თელავის მერმა საზოგადოებას ანგარიში წარუდგინა

7 მარტი, 2019

თელავის მუნიციპალიტეტის მერმა - შოთა ნარეკლიშვილმა საზოგადოებას გასული წლის ანგარიში წარუდგინა და 2019 წელს დაგეგმილი ღონისძიებები გააცნო.

სამოქალაქო საზოგადოების წარმომადგენლებთან შეხვედრა „აღმოსავლეთ ევროპის მრავალპარტიული დემოკრატიის ცენტრის” (EECMD) თელავის ოფისის ორგანიზებით გაიმართა.

ღონისძიება კითხვა-პასუხის რეჟიმში გაგრძელდა. თელავის მუნიციპალიტეტის მერმა ყველა დასმულ შეკითხვას უპასუხა, მოქალაქეებს მუნიციპალიტეტის საქმიანობაში მეტი ჩართულობისკენ მოუწოდა და გამოხატა მზაობა საინტერესო სამოქალაქო ინიციატივების მხარდაჭერისათვის.

ღონისძიებას ესწრებოდნენ: დემოკრატიის სკოლის კურსდამთავრებულები, თელავის მუნიციპალიტეტის მერიისა და საკრებულის პასუხისმგებელი პირები, სახელმწიფო რწმუნებულის აპარატის, მას-მედიის და არასამთავრობო ორგანიზაციების წარმომადგენლები.

გააზიარე