თელავის მუნიციპალიტეტის მერიის მხარდაჭერით და საქართველოს წითელი ჯვრის საზოგადოების ორგანიზებით, ორ სოფელში - თეთრწყლებსა და კისისხევში სამედიცინო აქცია ჩატარდა.

მობილური ჯანდაცვის კაბინეტში მოსახლეობას უფასო სამედიცინო-დიაგნოსტიკური კვლევები ჩაუტარდა. კვლევები მოიცავდა მუცლის ღრუსა და ფარისებრი ჯირკვლის ექოსკოპიას, კარდიოგრამას, თერაპევტის კონსულტაციას და სისხლში შაქრის დონის განსაზღვრას.

ჯამში, უფასო სამედიცინო გამოკვლევის პროგრამით 65 ადამიანმა ისარგებლა.