რუისპირი

რუისპირის ადმინისტრაციული ერთეული

რუისპირის ტერიტორიული ორგანო მდებარეობს თელავის მუნიციპალიტეტის ადმინისტრაციული ცენტრიდან 7 კილომეტრში. სოფელი გადაშლილია 3 050 კვ/მ ფართობზე და ფართობისა და მოსახლეობის სიდიდის მიხედვით მეორე სოფელია მუნიციპალიტეტში. მიწის ნაკვეთები მოიცავს 1 700 ჰა-ს, რომელშიც, ძირითადად ვენახი, ხეხილი და ერთწლიანი კულტურებია განთავსებული. მევენახეობა მოსახლეობის ერთ-ერთი მთავარი საქმიანობაა. სოფელში ცხოვრობს 1 310 კომლი და 3 200 მაცხოვრებელი. აქედან 2100 ამომრჩეველია. სოფლის ქვემოთ, ალაზნის ვაკეზე, მდინარე ალაზანი მოედინება, რომლის საშუალებითაც სოფელს საირიგაციო სარწყავი არხის მეშვეობით შეუძლია მიწის ნაკვეთების მორწყვა. სოფელი მდიდარია ძველი ისტორიული და სასულიერო ძეგლებით. სოფლის თავში მდებარეობს სამონასტრო კომპლექსი “შიოს მარანი“, საიდანაც ალაზის ველის შთამბეჭდავი ხედი იშლება.
აქედან აღსანიშნავია ახატლის ღვთისმშობლის სახელობის ტაძარი. ძეგლის აგების თარიღი დადგენილი არ არის. საკმაოდ მოცულობითი ზომის კარგად შეკრული ნაგებობა წარმოადგენს ოდნავ წაგრძელებულ მართკუთხედს, რომელიც ნაგებია რიყის ქვით და აგურით. აღმოსავლეთისა და დასავლეთის კედლებში დატანებულია თითო-თითო სარკმელი, ხოლო ჩრდილოეთისა და სამხრეთის კედლებში სამ-სამი, რისი წყალობითაც შიდა სივრცე კარგად არის განათებული.
რუისპირის წმინდა ნიკოლოზის ეკლესია მე-20 საუკუნის 30-იან წლებამდე იყო მოქმედი. ალავერდის ეპარქიის მე-18 საუკუნის ტაძარი მე-20 საუკუნეში დაინგრა და განადგურდა მონასტრის ეზო, ბაღი და სახლი. 2008 წელს დაიწყო ეკლესიის განახლება და ის აღადგინა ქველმოქმედმა დავით სეხნიაშვილმა. ძეგლი გვიანფეოდალურ ხანაშია აგებული. რამდენიმე ხნის წინ დანგრეული ეკლესიის ფუნდამენტზე და ძველი კედლების გამოყენებით ახალი ნაგებობა აშენდა, აღდგენილ იქნა სახურავი და რაც მთავარია ძეგლს შეუნარჩუნდა გარე პერიმეტრები. ტაძრის, სამრეკლოს და სახლის პროექტი ეკუთვნის ალავერდის ეპარქიის არქიტექტორ კონსტანტინე პაპალაშვილს. ტაძარში ახალი შუამთის მონასტრიდან მობრძანდა ხახულის ყოვლადწმინდა ღვთისმშობლის ხატის ასლი, ნიშნად წმინდა ნიკოლოზის ტაძრის შუამთის მონასტერთან ისტორიული კავშირისა. ამ ტაძრისთვის საგანგებოდ, საქართველოს კათოლიკოს-პატრიარქის ლოცვა-კურთხევით, დაიწერა წმინდა ნიკოლოზის ხატი. ხატი შექმნილია იტალიის ქალაქ ბარის წმინდა ნიკოლოზის ხატის მიხედვით, რომელიც მე-14 საუკუნეში სერბეთის მეფის სტეფანე მესამე უროშის დაკვეთით დაიწერა. მოოქროვილი ვერცხლის პერანგი და ტიხრული მინანქრის მედალიონები დავით კაკაბაძის ნაკეთობაა. ამ დროისატვის დასრულებულია ტაძრის მოხატვა, მოძღვრის სახლის მშენებლობა და მარანი, სადაც ღვინო ტრადიციული მეთოდით დამზადდება. ტაძრის შიდა მოხატულობაზე მუშაობდნენ მხატვრები: ვაჟა სვიმონიშვილი და თეიმურაზ ყაზახაშვილი. წმინდა ნიკოლოზის ეკლესია 2011 წლის 19 დეკემბერს აკურთხა აბბა ალავერდელმა მიტროპოლიტმა დავითმა.

წარმომადგენელი ადმინისტრაციულ ერთეულში


მობ:
E-mail: ruispiri.telavi@gmail.com

სპეციალისტი
  • ინგა პაპუნაშვილი - მობ: 599-15-85-66


გადიდებული რუკის ნახვა
გააზიარე