ცხელი ხაზი : 574 17 96 23

სოფლის მხარდაჭერის პროგრამის ფარგლებში მოსახლეობასთან კონსულტაციები მიმდინარეობს

12 თებერვალი, 2020

სოფლის მხარდაჭერის პროგრამის ფარგლებში დასაფინანსებელი პროექტების შერჩევის მიზნით, თელავის მუნიციპალიტეტის მერის პირველი მოადგილე დავით ბეგიაშვილი, საკრებულოს წევრები - დავით გოგოშვილი, ტიტე დარეჯანიშვილი, ვასილ არაბული, გურამ წულუკიძე და ადგილობრივი ხელისუფლების სხვა წარმომადგენლები სოფლების - თეთრიწყლების, კობაძის, პანტიანის, სეროდანის, ნადიკვარის, ვარდისუბნისა და გულგულის მოსახლეობას შეხვდნენ. 

ხელისუფლების წარმომადგენლებმა ადგილობრივებს სოფლებში განხორციელებული და დაგეგმილი პროექტები გააცნეს და მათთან ერთად იმსჯელეს არსებული პრობლემების გადაჭრაზე.

მოსახლეობის გადაწყვეტილებით, პროგრამის ფარგლებში განსახორციელებელ პროექტებად დასახელდა:

 თეთრიწყლები, კობაძე, ნადიკვარი

► სასმელი წყლის ახალი სათავე ნაგებობის მოწყობა, ასევე სატრენაჟორო მოედნის შემოღობვა და შიდა გზებზე ახალი გარე განათების ქსელის მოწყობა.

 პანტიანი, სეროდანი

► შიდა საუბნო გზების მოხრეშვა.

 ვარდისუბანი

► სოფლის ქუჩების ნომერაციის დასრულება,შიდა საუბნო გზებზე გარე განათების ახალი ქსელის მოწყობა.

 გულგულა

► შიდა საუბნო გზებზე გარე განათების ახალი ქსელის მოწყობა.

თელავის მუნიციპალიტეტში, პროგრამის ფარგლებში, პროექტების განსახორციელებლად ცენტრალური და ადგილობრივი ბიუჯეტიდან, ჯამში, 717 000 ლარია გამოყოფილი.

 

 

  

 

 

 

 

 

გააზიარე